Роден во Пирмасен, Рајнфалц 1877, починал во Виена 1946. Студирал на Ликовната Академија во Вајмар, Германија, во класата на проф. Теодор Хаген. Помеѓу 1896 и 1898 бил студент на проф. Фрајоф Смит и Макс Теди како и студент на Уметничкиот Институт на Франкфурт на Мајна, во класата на прфесор Мар. Во првата декада на 20тиот век, патувал во Париз, Швајцарија, Унгарија, Далмација и Русија. Во Русија, станува пријател со фамилијата Толстој каде што го изработува портретот на Лав Н. Толстој. За време на првата светска војна бил војник во Австро-унгарската армија на повеќе фронтови. Во 1920тите и 1930тите години, станува видна и позната личност во Виенскиот култирен живот. Умира многу брзо по завршувањето на втората светска војна. Неговите слики се наоѓаат во повеќе музеи во Австрија и Германија.
Ханс Дил-Валендорф го посетува Охрид во првата декада на 20тиот век, најверојатно во рамките на некое од неговите студиски патувања околу 1900. Го изработува пастел цртежот “ На Охридско езеро –поглед на манастирот Свети Наум„ која денес е во колекцијата на авторот на оваа книга и купена од галеријата Heike од Виена, Австрија.
